قاسم ينتقد صناع الدراما وليليا الاطرش: خليني ساكتة أحسن

قاسم ينتقد صناع الدراما وليليا الاطرش: خليني ساكتة أحسن

احدث الممثل السوري علاء قاسم موجة جدل واسعة على مواقع التواصل الاجتماعي، حيث عبر عن امتعاضه من الطريقة التي يتم فيها التعامل مع الممثلين من قبل بعض المخرجين والمنتجين.

وفي منشور على حسابه عبر فيسبوك، كتب قاسم: "بمناسبة دراما رمضان.. بيتفق الممثل على اي شي مع المنتج او مع المخرج او مع كليهما.. بيبدأ عرض المسلسل بيكتشف الممثل انو الاتفاق ما تم.. رغم الحلفانات والايامين المعظمة ومسك الشوارب.. "

وأضاف :"بترجع للمنتج بقلك مو انا ما دخلني هادا المخرج.. بترجع للمخرج بقلك مو انا هادا المنتج.. بتجمع التنين سوا بيطلع معهم انو مدير الانتاج هو السبب.. بترجع لمدير الانتاج بقلك هنن التنين السبب وهكذا دواليك"

.وتابع: "مجال المعتبرين حالهم قائمين عليه كذابين او منافقين او ما عندهم الحد الادنى من الرجولة.. كيف ممكن يتطور؟؟.. اغلبوا بيتعامل مع كل المهنة انها سبوبة ع طريقة سوق الهال"، مرفقا كلامه بعبارة "رمضان كريم".

بدورها، شاركت الممثلة السورية ليليا الاطرش المنشور، مبدية تأييدها لكلام زميلها، حيث علقت بالقول: "لسا في كمان اصدقائنا !!! المنتجين والمخرجين ومدراء الانتاج يلي بيشوفك بيضرب على راسو وبيسألك اووووف وين مختفي ليش مبعد عن الوسط ليش ماعم تتواصل وانت طبعاً لا مختفي ولا مبعد ومن الاصل مافي هالتواصل الا من خلال الشغل".

واضافت: "بيرجع بيقلك عندي ٣ مسلسلات رح تكون معي بالتلاتة انشالله بيجي الاول بيختفي هوه وبيبعد وماعد بيهمو يتواصل ههههه، بتشوفو بالصدفة بيقلك يا اخي المخرج عندو رؤيتو وطبعا بالعكس المخرج بيقلك المنتج او بيقولوا مدير الانتاج قال انك مسافر ومدير الانتاج بيقلك ما دخلني وطبعاً  ولا واحد فيهون بيكون اصلا متصل ودائما حجج حجج حجج ووعود وعود وعود، بيخلصوا التلت مسلسلات وبيخلص الموسم وبيجي الموسم الجديد نفس الحكي.. يلا خليني ساكتة احسن"، كما ارفقت المنشور بـ "رمضان كريم للجميع".